王君馨經常性感示人，但偏偏又是基督徒，她昨日接受商台訪問時表示有段時間曾患抑鬱症，她說：「08年有段時間抑鬱同暴食症，當時做完《舞動奇迹》，出嚟報道好負面，話我講嘢把聲好高音。我只係將最真嘅自己畀人睇，但俾人攻擊，好難受。於是狂食嘢，食到喊，一個人嘅時候好孤單，食物變咗好朋友。」
後來王君馨身形變豐滿，經理人曾提議她會否想改走性感路線，她謂心情矛盾：「好多人將身形靚嘅女仔比較，經理人問我想唔想行呢條路。我係基督徒，但好多時要性感，有時好辛苦，跳舞時着條性感嘅裙都想觀眾睇，但又好唔想人望，男性嘅目光唔知係欣賞定其他嘢，我唔想佢哋望，但又要表演。」
採訪：王連連
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/