【灰色地帶】
法庭指陳志雲獲無綫默許接受外間受薪工作，在他沒有刻意隱瞞下，即使沒有向上司申報，也有合理辯解。究竟這種理由會否成為員工日後「秘撈」的尚方寶劍？身兼律師的民主黨議員涂謹申指，只要公司清晰界定員工是否可以賺外快，兼嚴格執行規例，便可堵塞問題。
「人哋做咗咁多年，做到咁高級數，冇理由突然間抽出單一事件話係刑事，話其實一路都唔准做」。涂謹申認為，相關的《防止賄賂條例》並無問題，「如果有問題係間公司問題」。
他指法例的主旨是僱員接受利益，必須得到公司同意，或者能證明公司沒有反對。「如果你老細知道咗你賺外快，好耐又冇理你，咁你都唔算秘密進行」。但他強調，「明文規定唔准做，同冇明文規定唔准做之間，有灰色地帶」，因此僱主應訂立清晰制度及指引，方便員工跟從。
《蘋果》記者