【峯語戀之愛得高調】峯語戀公開後愛得癡纏，林峯和吳千語放假外遊後返回工作崗位，昨日分別出席宣傳活動，林峯甜蜜為機艙親熱事件解畫，全程春風滿面，他表示只是為女友蓋被及送上輕輕的good night kiss而已。另邊廂吳千語否認林峯代還180萬卡數，強調自己找數。
林峯自從與吳千語BB合作撻着後，由男方親自公開戀情，令這段峯語戀公告天下，千語BB勁冧，近日女友身份已提升至家人，他們每逢提起對方均一副甜蜜模樣。
通電夾口供
早前峯語外遊後一同坐飛機返港期間，林峯在機艙上親親千語BB一事曝光，女方日前已回應事件，而林峯昨在灣仔出席宣傳活動，首次在港向大家解畫，他說：「事件有啲扭曲，今次係一個sweet嘅trip，同佢冚被問吓佢食唔食嘢，一個good night kiss，係正常行為，寫出嚟變成咁。」
有指千語BB瘋狂買名牌由林峯找數，多達180萬元兼送黑卡給女友傍身，他說：「私人事唔使同大家分享啦，我都買好多嘢畀屋企人，係個開心trip。」林峯一邊強調私人感情事不想多提，但難掩蜜運喜悅心情。問到朝夕相對未來會否考慮同居？林峯笑說：「你哋有冇拍過拖，你哋拍拖唔係咁㗎咩？」他並表示不介意情侶檔合作。
另邊廂，千語BB昨在香港仔拍港台劇，劇中講做證監會調查員的她在夢中揸槍查案。問到男友揸槍是否好型，她說：「我有睇佢嗰套劇（《雷霆掃毒》），角色幾好睇。」她與男友同日出席公開活動，千語見記者前二人已通電，她說：「記者問佢會唔會探班，唔會，佢要開工。」
仍未見家長
對於林峯為她還180萬卡數，千語BB否認說：「點解咁講？冇，卡數自己找。」她又稱有互相送禮物。被指歐遊在機艙內親熱，千語BB說：「內容唔係事實，講番只係想大家知真相，我哋只係好似平常人正常生活。」她又坦承早前林峯帶她與苗僑偉食飯，但仍未見家長。
採訪、攝影：卓寶花、王連連
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/