忽然信主兼受洗嘅陳振聰，受洗嘅片段噚日喺網上公開，片中見到Peter換咗件受浸袍，喺林以諾牧師主持下，深吸一口氣就浸晒個頭落水，上水嗰下表情十足重獲新生咁。電台噚日再播出Peter訪問，話以前嘅陳振聰係受到魔鬼嘅引誘，不過佢仍然覺得風水好靈好準，因為當中有一股來自撒旦魔鬼嘅能量，所以其他人唔好試。佢又好坦白承認，當年本來過緊富豪生活，忽然走去爭產搞到一身蟻，當時真係有後悔，但信咗主後覺得，一切都係上帝嘅計劃，「爭產係上帝要我走崎嶇苦難嘅路，然後遇到佢，𠵱家睇番唔再後悔」。