近年憑電影《葉問》爆紅嘅「宇宙最強」甄子丹，拍戲一套接住一套，片酬同身家節節上升，早排更有傳聞，指甄太汪詩詩投資有道，幫甄子丹賺過億元，唔知傳聞真定假，但甄子丹肯定豬籠入水，否則唔會一擲1.35億元，同老婆聯名買入摩星嶺御海園獨立屋。
汪詩詩：地方大啲熱鬧啲
聽聞年幾之前，甄子丹已經喺香港四出睇樓，特別鍾情薄扶林一帶，睇完碧瑤灣又睇貝沙灣，根據土地註冊處資料，佢最後扑鎚用1.35億元，買入御海園獨立屋。呢間屋建築面積4,198方呎，實用面積都有3,362方呎，實用率達八成，仲有一個2,116方呎巨型花園，加埋無敵全海景，襯晒佢個朵啦。
華華搵汪詩詩，佢唔認買咗間屋，但話就算係，都係自住為主，「地方大啲，老爺奶奶嚟探我哋都方便啲，一家人熱鬧啲。」
磚頭成籮 遍佈中美加
甄子丹應該都係鍾意買磚頭保值，𠵱家喺碧瑤灣揸住兩層樓，一間係06年用1,595萬元買，另一間係09年初用1,750萬元買，兩層樓𠵱家市值夾埋近億元。
據聞，甄子丹先後買過鴨脷洲南灣、九龍塘陶源，喺美國波士頓有間大屋，加拿大多倫多都有豪宅，上海最貴嘅佘山別墅，佢都有間大屋。又打得，又係億萬富豪，果真係宇宙最強。今年係甄子丹同甄太結婚十周年，即係「錫婚」，佢早排放風話諗住大搞慶祝活動，話唔定仲會掃多幾個單位畀老婆，真係錫晒佢喇。
李華華
mailto:[email protected]
新game出爐 ～ 快啲試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/