𠵱家喺《陽光時務週刊》做記者嘅周澄，最近擺咗唔少舊年年底，單人匹馬去菲律賓嘅旅行相上facebook，即時又惹嚟網民瘋傳。點解咁瘋狂？有相你睇。八方噚日同周澄講起呢件事，佢哈哈大笑話唔知有人傳佢啲相，仲同八方分享呢次旅行難忘事。查實佢係喺去年12月底，隻身去宿霧玩咗幾日；最特別喺平安夜嗰日，同一班菲律賓人去山區農村送小禮物畀居民，希望佢哋過一個開心嘅聖誕。至於今年有冇旅行大計？佢話暫時未有，都係工作至上，最重要係儲吓錢先囉。