由王晶執導，鄭中基、王祖藍等主演嘅《笑功震武林》前晚喺荃灣搞首映禮，王晶帶同「晶女郎」孟瑤等多人出席。身為「低俗」始祖嘅王晶對於《低俗喜劇》俾北京嘅賈選凝撰文批評低俗，前晚佢就自爆十年前喺內地都發生過類似事件，佢話：「當時有個女仔作出同樣批評，不過嗰時我啲戲冇喺內地上，佢有睇即係睇翻版，做賊仲要倒返轉頭嚟彈我，真係唔啱。其實成件事係藝發局後知後覺。」佢就唔覺《低》片有踩內地人，反而寸嘴話：「水平愈低嘅人愈搞唔清，水平高就會有信心，唔會覺得香港有歧視，就算有歧視都唔會有影響。」
祖藍：未必係李亞男
早前李亞男開下「戒花紙由」嘅結婚條件，祖藍抵死話未來妻子未必係李亞男，又得戚話：「婚都未求，話唔定我喺公司好多人追呢。」
此外，甄穎珊自爆同亞視提早解約，但欲言又止話：「合則來不合則去，佢哋冇逼我返學，不過我冇想過上堂，自己又唔係新人。」
撰文：馮仁昭
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/