Janice Man及11月出嫁的汪圓圓昨日在金鐘出席護膚品活動，JM自爆有人追而且感覺幾好，至於地下情人李冠峰，JM堅持不肯承認，搖頭斷言「冇㗎啦」。
準新娘汪圓圓和Janice Man昨日在金鐘出席護膚品活動，會上兩人分享美白心得。早前，JM以素顏拍廣告，她直言做足準備工夫：「因為真係零化妝，拍廣告都係第一次，我驚自己個樣唔夠水，試過一日敷兩、三次mask，最後都好順利完成。」會否擔心素顏樣被網友改圖？JM笑謂：「唔驚得咁多，好彩我個樣唔係好大分別，係𠵱家隻眼細咗，細個眼大大㗎。」
自言要時間磨合
感情生活方面，JM前年宣稱同有米男友李冠峰分手，但經常被拍到出雙入對，被踢爆假分手，JM昨日自爆現時有圈外人追求，感覺幾好，但不急於拍拖，她說：「買嘢返嚟都唔知啱唔啱用啦，所以都係要花多啲時間磨合吓先，我好隨緣。」至於跟李冠峰的關係，她說：「冇㗎啦，冷靜番都係做朋友。」
人逢喜事的汪圓圓，將於11月結婚，皮膚明顯好轉，她解釋為結婚要保持最佳狀態：「食都會健康啲，又會捉埋Karson（男友蔡加讚）一齊去做運動。」她又解釋早前避談婚禮詳情，只因太多事仍是初步決定，婚禮將於會展舉行。
圓圓婚禮恐懼症
問到可會參考剛晶的世紀婚宴？圓圓說：「參考咗好多唔同嘅人，我同Karson鍾意高貴、浪漫啲。我擔心似演唱會，因為好多人排隊表演。」她笑言有婚禮恐懼症，很擔心婚宴的事，但對與Karson的婚後生活有信心。
採訪、攝影：盧妹
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/