【今日小故事】連鎖快餐集團不時悄悄加價，未經食客踢爆唔會主動公佈，話之你無端端中伏。灣仔皇后大道東嘅順景茶餐廳卻好貼心，呢間街坊小食肆最近宣佈加價，仲貼出告示懇求顧客見諒。
順景老闆郭先生話，業主最近提出加租，由7萬幾狂升至13萬，幾經交涉，先讓步「加少啲」至9.3萬。但茶餐廳座位有限，該區又冇夜市，即使午餐由35元加至38元，恐怕亦難以長期經營下去。年屆六旬的郭老闆話，當租約至今年底期滿時，恐怕要結束長達24年嘅生意。