【旺角】現年81歲的資深演員李香琴，繼被指疑患柏金遜症後，最近再被傳患腦退化症，昨日琴姐應無綫高層樂易玲之約出外嘆茶，除了雙腳乏力要坐輪椅外，琴姐反應快、中氣足，以行動粉碎患重病傳言。
琴姐最近被指患腦退化症，並被拍得家人陪伴去做物理治療，出入需人抱上輪椅。昨日琴姐應無綫製作資源部總監樂易玲邀請出外飲中茶，同場還有無綫高層何小慧、何其穎及nowTV首席副總裁及製作部總經理何麗全。
昨午12時40分，樂易玲的七人車直駛往琴姐何文田山住所接她，大約五至十分鐘，七人車載着琴姐駛出停車場，車內的琴姐着了靚衫、化了妝，顯得精神奕奕，樂易玲絞低車窗讓琴姐與傳媒揮手打招呼，問琴姐是否精神好好，她中氣十足的說：「成日話我唔記得嘢，我乜嘢都記得。」樂易玲即笑言：「睇佢幾大聲、幾好中氣。」問到琴姐有否多散步？她說：「我成日出街飲茶㗎！」
鍾意飲茶食蝦餃
約十分鐘後，七人車抵達旺角九龍維景酒店，琴姐在司機、同行的女傭及兩名女友攙扶下，坐上輪椅，並笑意盈盈說自己精神很好，樂易玲補充說：「佢好介意人哋話佢病㗎。」琴姐又指自己平日飲茶最鍾意食蝦餃、燒賣和炒粉麵，樂易玲指琴姐身體好好，琴姐大聲說：「你聽我講嘢就知道啦。」
琴姐等飲茶至下午2時25分便離開，何麗全、樂易玲送她上車，琴姐臨上車前大讚食物好食，之後由樂易玲送她返回何文田住所休息。琴姐昨日瞓過晏覺後接受《東張西望》電話訪問，她說：「今日飲茶好開心，食咗好多嘢，好多人爭埋單。」結果由好拍檔譚炳文結賬，琴姐笑言只食炒粉麵不會貴，至於會否再工作，琴姐謂永不言休。
採訪、攝影：王崇穎、黃曉程
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/