美國CBS電視台王牌節目「60 Minutes」，近日做咗個名為「中國房地產泡沫」嘅故仔，知名記者Lesley Stahl開宗明義就問：「繼美國、歐洲之後，下一次最可能meltdown的經濟體系係邊個？」大家心中的答案似乎是中國。
她到內地人稱「鬼城」的鄭州東區，影片中方圓N里的城鎮，住宅、花園、商場、公路，全部新簇簇，設備齊全，單位全部賣出，但無人搬入嚟住，整個城市都係吉嘅，你可以喺公路上散步。記者到附近一個大型商場，項目落成三年，裏面全是吉舖，但卻掛滿晒KFC、Starbucks、Nike、H&M、Apple等招牌。記者問：「呢啲品牌會搬入嚟嗎？」熟悉項目的分析員答：「唔會，呢啲全部係假嘅。」
萬科主席王石話，內房泡沫如果爆破，中國隨時會出現另一個「阿拉伯之春」。近日政府再出招打樓市，但問題是，佢到底有冇條件落重藥咁做？舊年經濟唔掂，是政府默許樓市上漲，以支持經濟增長。泡沫去到𠵱家咁，已經綁架咗整個經濟，中國亦承擔唔起增長大幅放緩的代價。如果唔係，嗰每年7,000幾億元、仲不斷增長緊的維穩費開支，點俾？
海迪