【本報訊】港大法律系副教授戴耀廷提出佔領中環爭取真普選後，左派陣營即全面圍攻，戴耀廷昨更爆出受到「隱晦嘅威脅」，感到有人正收集其「黑材料」，除想藉此令他不再參與行動外，亦透過抹黑其個人誠信，打擊佔領中環行動。戴表明不會退縮，「我覺得正義的就會去做，無論結果係點，希望可以爭取香港有真普選」。有學者認為，事件反映有強大勢力不想佔領中環成事，試圖「槍打出頭鳥」。
「有黑材料同抹黑會出現」
戴耀廷昨接受網上電台D100訪問時透露，近日正受到「隱晦嘅威脅」，「就係叫我唔好再搞（佔領中環）落去喇」，當主持追問威脅為何，戴未有解釋，只說：「可能係我多心，係好隱晦、隱晦得好緊要」。
本報記者在節目後再追問戴耀廷有關「隱晦嘅威脅」詳情，戴坦言感到很大壓力，「我係感到好辛苦，用番林鄭講法，現時係度日如年」；至於「隱晦嘅威脅」指甚麼，戴表示不能具體交代，只能說：「總之我係感覺到有啲工作進行緊，喺背後進行緊，可能有啲黑材料同抹黑會出現」。
戴相信，有人正試圖透過抹黑、損害其個人誠信，以達至打擊佔領中環行動，相信中央亦正就如何面對佔領中環進行部署，「有人話秀才造反，三年不成，呢個我相信係佢哋一個態度，但亦有可能喺行動未成形前，先射你落馬」。
面對風雨欲來的抹黑打擊，戴耀廷承認感到擔心與害怕，「我的情緒係複雜的，一定有驚」，但他表明不會放棄參與行動，「我覺得正義的就會去做，無論結果係點樣，希望可以爭取香港有真普選」，現時最重要是更多香港人認識和參與行動，因為這是屬於全港人爭取民主普選的一次行動，「要大家一齊參與推動，不能只擺在一個人身上」。
中央港府極不想佔領成事
中大政治與行政學系高級導師蔡子強分析，不論中央和特區政府，都極不想見到佔領中環成事，擔心運動一旦成功，將嚴重挑戰政府管治權威和令社會不和諧。蔡子強相信，現時正有強大勢力，試圖透過抹黑等旁門左道「槍打出頭鳥」，打擊佔領中環行動標誌人物戴耀廷；但蔡相信這不會令佔領中環行動消失，「現時成個運動，已唔係以戴耀廷一個人意志轉移，即使佢倒下，亦會有其他人主張同樣的行動」。