男足歐聯如火如荼，踏入淘汰賽，而男籃歐聯就都打緊分組賽，有線電視仲會由今周開始提供直播，頭炮係F組大戰奧林比亞高斯對巴塞隆拿（有線62及202台周五3:45am直播）；其實男籃歐聯都算係NBA歐洲球星嘅搖籃，木狼嘅盧比奧、雷霆嘅伊巴卡都打過，精采程度唔比NBA低。話時話，有線亦拎埋奧運外圍賽、亞錦賽等國際籃球盛事，球迷暑假都不愁寂寞。