【本報訊】候任平機會主席周一嶽就性傾向歧視立法發表「再研究論」，立場含糊令同志團體恐慌，大愛同盟成員兼港台節目主持人梁兆輝表示，已正式邀請周一嶽於本周六接受訪問，希望對方就立法公開表態，又質疑今次委任是想掃除要求立法的聲音，「政府點解𠵱家搵周一嶽？係咪因為佢同政府同一口徑？」
「佢點可能做平機會主席」
梁兆輝表示，同志團體對周前日的言論非常失望，「佢話重新再研究、諮詢，先決定立唔立法，呢樣直情係大倒退啦，佢點可能做平機會主席？點為我哋去爭取平權？」他指去年曾訪問現任主席林煥光，對方就反歧視立法立場堅定，質疑政府委任周一嶽，是要掃除阻礙。
梁本身是港台節目《自己人》主持，他指港台已正式約周出席周六的節目，「要佢公開交代佢嘅立場係點，對人權同平權有幾多認識？基督徒嘅身份會唔會造成阻礙？」
女同學社執行幹事曹文傑亦對周的言論表示憂慮，「佢話要諮詢、研究，係咪即係問多次巿民贊唔贊成立法？咁樣做係嘥錢，因為之前先做過一次，有過半巿民支持立法……定係佢所講嘅研究係再具體啲講條法點立？我哋希望知多啲」。他表示，會盡快約周會面，了解對方的立場。