今年慶祝80大壽嘅銀行，除咗恒生（011）仲有永隆。永隆當年仲早過恒生幾日開業，恒生3月3號開業，永隆就2月25號。為隆重其事，永隆印咗一批紀念郵票送畀客戶。話明係紀念郵票，設計上主要介紹永隆過去80年嘅發展故事。其中有張黑白郵票，係永隆開嘅第一間永隆銀號，地點係文咸東街37號，恒生幾日後就喺隔籬街，即係永樂街開咗第一間恒生銀號。據聞，恒生嘅股票編號之所以係11，皆因最初得11位員工，永隆開業只有12位員工，但就冇攞個相同數目嘅股票編號，08年被招商銀行（3968）收購前嘅上市冧巴係96。