《樂》拜仁慕尼黑嘅德國中場湯馬士梅拿真係識得冧粉絲。家陣like佢嘅facebook粉絲超過149萬人，佢話第150萬名粉絲，可以得到佢嘅親筆簽名波砵；仲講明第200萬嗰位幸運兒，將會有大獎，至於係乜嘢就仍然諗緊。查實𠵱家最多facebook粉絲嘅德國球星，係啱啱協助皇馬出線歐聯8強嘅奧斯爾，人數多達904萬，足足拋離湯馬士梅拿9條街。而多蒙特嘅超新星馬里奧葛斯同埋湯馬士梅拿嘅拜仁隊友舒韋恩史迪加亦唔弱，分別有147萬同139萬，但都係拍馬都追唔上奧斯爾。唔通眼大真係會受歡迎啲？