日本品牌資生堂旗下一款防曬產品，前幾日驗出含重金屬鎘，引起同事譁然，全因不少女同事都用過該系列甚至該款產品。而重點是「出事」那款在同系列中算貴，貪平的話就係自己抵死，點知貴貨都出事，雖然公關發稿話冇問題，但睇怕都要俾人冷落一陣。
未聽過有女人話自己天生麗質，唔搽防曬，因為大家明白，一旦雀斑出現就救唔番。話說回頭，𠵱家在連鎖店或化妝櫃位買的防曬產品，最終落袋的只有某幾間大品牌，細品牌難逃遭吞併命運，大品牌霸權將延續下去。
市值達4,880億日圓的資生堂，雖然被《福布斯》納入全球十大化妝品品牌，但過去幾年俾強日圓、本土疲弱經濟搞到股價死氣沉沉，雖然日股升至四年半高位，但資生堂連去年高位都未破，公司中期業績更加嚇死人，純利50.2億日圓，按年大幅倒退44%，就算日本不斷量寬，下月揭盅的全年業績凶多吉少。
Samantha
本欄逢周一、三、五刊出