【銅鑼灣白沙道】舊年11月爆出有無綫劇集《雷霆掃毒》男、女藝員喺新界八鄉車震，吳綺莉同黃子雄一度被傳係男、女主角，但其後兩人都否認其事。不過，呢單嘢未有影響黃子雄同拍拖五年女友夏竹欣嘅感情，前日記者見佢哋孖公仔喺銅鑼灣出現，仲喺Nike一齊設計自家波鞋，真係sweet到震。
鞋邊刻名
47歲嘅黃子雄前日傍晚一身便服同女友夏竹欣喺銅鑼灣白沙道間Nike買嘢，當時夏竹欣坐喺舖頭部電腦面前揀緊Nike iD波鞋，即係自己揀色、揀料，獨一無二嗰種。黃子雄企喺側邊不時畀意見，兩個人有商有量傾得好開心。記者見夏竹欣喺對鞋兩邊都加咗個「HA」字，呢個除咗係夏竹欣英文姓氏外，仲代表住哈哈笑，難怪揀完名之後，夏竹欣都好滿意咁同黃子雄哈哈笑。
夏竹欣㩒電腦㩒足半粒鐘，其間黃子雄都有試過波鞋，似乎佢都想買番對自己設計嘅波鞋。不過試完鞋之後，黃子雄就先行離開，留低夏竹欣繼續㩒電腦。
採訪、攝影：梁繼光
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/