南華早報（583）上月中話同第三方傾緊，可能收購香港媒體公司，事隔半個多月都冇乜聲氣，好多間市傳係收購對象嘅公司都話唔關自己事。正當大家費事再估，噚日市場又傳出，本地免費報紙《都市日報》可能賣盤。
南早未復牌
《都市日報》係瑞典跨國媒體Metro集團喺香港嘅業務，噚日市場傳出，Metro集團想賣走香港業務，咁咪即係賣走《都市日報》？上月中南早話買媒體公司，有人問過《都市日報》高層，對方當時表示，雖然同南早高層相熟，但冇討論過收購，亦冇接到其他公司洽購，至今公司亦未復牌。不過，世事常變，可能有人提出相當吸引嘅條件，令到《都市日報》都要諗諗佢啦。