雖然近日天氣轉冷，但女星都紛紛春裝出籠，噚日一班女藝人賈曉晨（JJ）、官恩娜（Ella）、胡杏兒、萬綺雯同蔡卓妍（阿Sa）等都以色彩鮮艷、花花碌碌嘅春裝去灣仔出席活動，當中以JJ最性感，但打扮就略嫌娘咗啲，而短褲上陣嘅Ella就似着睡褲。
胡杏兒就穩打穩紮以one piece裙出現，佢仲自爆要留長髮增添女人味，希望今年更多桃花㖭，對於TVB姐仔俾人話去深圳應酬，佢即刻話：「點解唔叫我呀，深圳幾好呀，唔係想識富二代，公司好健康一定安排有人陪，下次預埋我。」至於着超短裙又以打底褲防走光嘅阿Sa，之前發燒兼又屙又嘔，佢話男友陳偉霆冇慰問，因為佢飛咗去橫店工作，但佢直認唔會去探班，只係希望時間快啲過。
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/