萬綺雯、王祖藍和湯盈盈等主演的劇集《老表，你好嘢！》收視報捷，無綫行政主席梁乃鵬昨晚在將軍澳電視城宴請台前幕後。本月17日預產期的盈盈，已為腹中蛇女改英文名Alyssa，她說：「我有少少緊張，嘉樂都停工陪我，我肥咗60磅，預計生完B第一年減產湊女。」她表示會餵人奶，並稱懷孕後胸部升cup：「我事業線好勁。」嘉樂是否好開心，她說：「係我好開心。」
對於羅敏莊炮轟無綫向她追騷，製作資源部總監樂易玲說：「2011年公司已提前同佢傾約，佢話唔使住，不過我哋約咗呢幾日傾。」李香琴近日被爆疑腦退化，樂易玲說：「周三約咗佢飲茶，情況唔係咁嚴重。」她也戥愛將林峯找到真愛而開心。
採訪：何慧斯
攝影：陳志嵐
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/