【本報訊】全國政協主席賈慶林前日耳提面港區政協委員，要壯大愛國愛港力量，必須多組織香港青年赴內地認識國情。反國教一役揭示香港青年不接受洗腦一套，不過，港區人大代表王敏剛昨日不單附和賈的說法，更批評拒認是中國人的青年是「忘宗忘祖」。
被利用可致地方動亂
正在北京出席兩會的王敏剛昨說，中央希望香港體驗一國兩制，但回歸以來有很多外國勢力介入香港事務，興波作瀾，甚至將香港作為攻擊中央的地方。王敏剛提到近年各大小示威遊行，都有人高舉殖民年代的龍獅旗，他認為在香港的反對聲音越來越囂張，而不承認是中國人的青年更是「忘宗忘祖」及無知，認為他們是被利用，甚至會導致地方動亂。
「我哋係香港人，唔係中國人」發起人陳梓進反駁，指王身為人大，責任是作為港人與中央溝通的橋樑，對方只懂批評卻未有正視港人訴求，只會令中港矛盾越演越烈，「我會形容呢啲人大食碗面反碗底，喺香港發迹，搵第一桶金，𠵱家唔耐心聽港人心聲，仲講啲咁嘅嘢，先係破壞香港和諧」。
「香港人要嘅嘢好簡單」
陳又慨嘆，以前中港矛盾集中在文化上，現在是生活上受到衝擊：「我唔知呢個係王敏剛自己嘅諗法，定係出於政治原因，所講嘅完全脫離香港人嘅想法。香港人要嘅嘢好簡單，衣食住行ok，政制有發展，有普選，基本人權受保障。」