「笑口棗」近年鹹魚翻生，喺娛樂圈撈到風生水起，幕前幕後瓣瓣掂。不過笑口棗份人表面好似好易話為，其實好現實，早前佢幫「肥豬仔」拍電影，肥豬仔一向鍾意搵性感女做噱頭，咁啱有場戲笑口棗同個索女喺街度拍，梗係要影吓相，但笑口棗突然發爛話唔畀人影相。
後來關仁聽班幕後人員講，笑口棗唔係唔想影，而係唔想益肥豬仔套戲宣傳，如果自己有份監製、執導就唔同咁話。幾經商議，最後肥豬仔應承喺佢另一部戲客串番次，佢先肯大大方方畀人影咋。
撰文：關仁
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/