皇馬對待呢場大戰極為認真，周日晚已經乘飛機抵達曼徹斯特市，周一下午到曼城借出嘅伊蒂哈德航空球場作最後備戰。皇馬喺曼市都有唔少粉絲，周日晚都有200幾球迷接機，多數都係C朗粉絲，不過拍過時裝廣告、又做過潮書封面嘅C朗，竟然上身綠色球隊風褸，下身就短褲加對白長襪白波鞋，好似小學生咁現身，真係破壞晒型仔形象囉！