今日小故事
12蚊可以令人幾快樂？網民Benson Tsang噚日喺facebook分享佢嘅感人故事，唔少人都讚好。佢話有位婆婆連續兩日出現喺同一間西餅店，不斷喺櫥窗外駐足望住啲西餅，佢略施小計做好心，令婆婆最終有餅食。
Benson原本單刀直入問婆婆想食邊件，婆婆卻話「唔使」；Benson之後就同婆婆講：「我都想食，順便買㗎咋，妳要哪一款呢？」婆婆終被勸服，直指想食一件雜果蛋糕，最後即使店員話買三件平啲，Benson都只係買咗一件，仲同店員講：「我是買給外面的婆婆，一件便足夠。」婆婆拿到餅後，笑住過馬路。Benson話呢次只係舉手之勞，唔少網民都話呢件事令佢哋感動到喊。