正當各界都話要檢討香港接待自由行嘅承受能力，地產商就嫌自由行去商場嘅人數唔多夠喉，信置轄下兩個商場奧海城同屯門市廣場，都希望繼續推高自由行數字。
為咗方便內地客，信置租務部總經理陳欽玲話，奧海城家吓逢周六，會喺內地安排免費專車8至10班，每車四、五十人，方便強國人民能南下來港掃貨。
早前有屯門人發起藍衣行動，打算光復充斥強國人嘅屯門市廣場，尤其不滿專為強國人服務嘅萬寧。陳欽玲話，內地自由行喺屯門市廣場嘅消費不容小覷，平均一個人花費6,000至5萬蚊，最多一位使夠20萬，反觀一位屯門本土市民，一個人只係使1,000至4,000蚊。所以屯門市廣場十個客，兩、三個都係強國人。