利福（1212）董事總經理劉鑾鴻（細劉）公開示範「孔雀開屏」？！仲要笑到咪晒雙眼，怕唔怕今晚返歸俾人扭耳仔呀？
上市公司業績期又到，搞親新聞發佈會，管理層後面塊佈景板，通常大大隻字寫住公司名就算，利福就比較有心思，每年都搵人設計主題、畫公仔，今年嘅主題係孔雀。
利福管理層每年都會傾一個年度主題，用嚟做年報封面，順便做埋業績發佈會嘅佈景板圖案。點解今年揀孔雀？利福方面話，孔雀靚唔在講，開屏時帶出盛放嘅感覺，配合到公司生意越來越好、多元化嘅概念喎。
睇番利福過去幾年年報，一年係畫三朵波點花，有年係一個橙crossover崇光logo，抽象得來都幾有創意，今年呢隻孔雀相對比較寫實，唔知有冇反映管理層心意呢？