活躍於80年代樂壇的麥潔文（Kitman），因結婚生仔而淡出樂壇，也順勢轉任唱歌老師，最近子女長大，有更多時間重拾演出樂趣，練習之餘，發覺心態與當年唱歌不同，更對自己有要求。作為老師都尚且要求自己有進步，也令Kitman慨嘆現在樂壇實在太多人濫竽充數。
撰文：羅美倫
麥潔文雖然在80年代中不是最頂尖歌手，但她的經典金曲也不少，《迷亂》、《斷》、《螳螂與我》、《唐吉珂德》、《夜夜痴纏》、《勁舞Dancing Queen》都盛極一時，亦是出名唱得之人。隨着與江華結婚生仔，Kitman漸漸淡出樂壇，開學校擔任唱歌老師。
回想當年，出道比張國榮、梅艷芳等萬人偶像早的Kitman笑說：「嗰陣除咗因為掛住拍拖、結婚、照顧家庭，樂壇趨勢亦都變咗，多咗好多偶像歌手，咪順勢歇一歇囉，後尾生埋細路，要同時間照顧兩個好吃力，大個又要睇住讀書，都冇再諗上台表演。」
難忘哥哥阿梅
近年子女長大，Kitman有更多時間做自己喜歡做的事，年前開始重踏舞台，在小型的會堂演出，最近更跨前一步，本月中在文化中心再開演唱會，Kitman一下子積極準備，披起戰衣，也掀起陣陣回憶：「以前嘅人同事好值得懷念，好掛住張國榮（Leslie）、梅艷芳，嗰時阿梅成日同草蜢佢哋出去玩，有次阿梅問我，係咪夜晚9點就瞓覺，7點起身嗰啲人，我覺好笑，佢覺得我係啲唔出嚟玩、唔煙、唔酒嘅乖人，好似好奇怪咁。」
Kitman確實跟阿梅屬兩類人，她不擅交際，但因加入新藝寶及簽了陳淑芬任經理人，而與哥哥張國榮熟絡，Kitman憶起哥哥講得更多：「有次同哥哥去大馬登台，喺後台綵排完佢喺度唱粵曲，佢好鍾意唱粵曲㗎，着住件白色背心唱《牡丹亭驚夢》，自己唱完男聲又唱女聲，成個十二少咁。」由於Kitman不愛打牌，跟哥哥較少私下聚會，但哥哥對她依然很好，Kitman說：「我喺娛樂唱片過檔，佢好鼓勵我，直情用行動支持，同我合唱咗首《Miracle》，之後去咗世紀，佢都寫咗首《一晚》畀我。」
不只哥哥，經理人陳淑芬也對Kitman影響深遠，陳淑芬簽了Kitman後，找了劉培基為她徹底改造形象，重新包裝，還請得資深的顧嘉煇、梁榮駿等做監製，當年Kitman的跳舞形象、四方黑膠唱碟及一字眉造型，都令人印象深刻，而她當年唱的電影《靈氣迫人》主題曲《夜夜痴纏》，電台播歌時曾引起鬧鬼事件，Kitman笑說：「我都係聽人講，話港台DJ鄧拱璧播完首歌，就寫低張紙同公司講，我唔撈，有鬼，跟住再冇返工，唔知真定假，但覺得幾好笑，證明首歌成功。」
斥新人唔夠料
不做歌星轉做唱歌老師，Kitman覺得並不等如不需要再有目標，她坦言：「以前表演恃住自己有天份，冇努力鑽研首歌，但𠵱家每次唱都要提升自己嘅水準、技巧，講真以前冇為意呢啲，只係當份工咁做，做咗老師反而注重，上次演唱會爸爸讚我唱得好過以前，其實天份畀咗你都仲要努力。」
眼看現今樂壇，Kitman忍不住說：「以前嘅歌手即使唔係偶像都唱得，𠵱家歌手係多，但99個唔唱得，濫竽充數，不過百貨中百客，教育到啲人唔識分好定唔好，試過有觀眾叫張學友收皮，因為覺得佢過氣喎。」
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/