賈小姐藝評獎醜聞，佢回應話因為自己講中，所以香港人才有咁大反應，如此辯論水平，真是低得緊要，等如我話你賈小姐係林沛理小三，兩人有路才獲關照提攜，賈小姐好嬲，反應奇大，要生要死，咁又係咪代表我講中咗呢？白癡！
陶傑話唔需要同強國人辯論，因為佢哋冇常識、常理可言，絕對正確，彭浩翔、杜汶澤下次再搞慈善場，希望佢將收益捐畀心理病、情緒病康復組織，因為強國人大部份有的是心理病、情緒病，而非精神病。賈小姐一代在八十年代出生，成長於九十年代，那種強國崛起心理由少先隊時期已培育起來，尤其在六四後洗腦式愛國主義教育，北大也非八九前的北大。呢一代強國細路更易受民族主義煽動，第一次上街係美國誤炸南斯拉夫中國領事館，然後就係反日。強國青年點樣睇香港？佢哋認為大國崛起，香港應該同內地接軌，反之上一代，包括鄧小平、趙紫陽、胡耀邦都曾經認為是通過香港作橋樑，與世界接軌。
對世界認識膚淺
賈小姐影評充份反映呢種強國文化觀，佢認為香港人要重新建構主體，便要將內地因素考慮在內，死仔彭浩翔偏就反其道而行，話之你死，特登高舉本土文化，拍套戲畀本地人。賈的憤怒唔單止電影唱衰強國人有錢而野蠻兼冇品，而係彭導完全唔將內地市場、觀眾放在眼內的傲慢，傷害了佢脆弱心靈。賈之心理不平衡係身為強國人精英，熱愛港產片，但熱面孔貼上了彭導冷屁股。正如佢哋本來親美，崇拜美國一切，但使館竟然被美國轟炸，因愛成恨，自然會上街掟石攻擊美國領事館。
佢哋生於資訊發達時代，表面上對西方文化價值及理論瑯瑯上口，正如一個北京土炮年輕人，從未經歷六十年代西方搖滾革命，一切只從互聯網、百度、優酷認識西方流行音樂，但講起西方流行音樂理論可以頭頭是道，這類強國人多的是。呢種對世界片面而膚淺的認識，再加上大國崛起心態，兩者糾合便成為一種滿口批判的假知識分子真義和團。賈小姐另一篇批判本地濫用新聞自由的文章，更能反映呢種心理病。
近代中國史充滿屈辱，共產黨又刻意將屈辱的近代史扭曲轉化成為愛國主義，令新一代強國人心理不平衡由此而起，一方面認為大國崛起，中國模式萬歲，另一方面西方又處處歧視中國，既恨西方，但內心又渴求西方認同，你話做強國人幾可憐！
添馬男