國民教育家長關注組前日開記者會，披露熱賣嘅小學中文同常識教科書，內容充斥唱好中共嘅紅色內容，荼毒小學生，噚日一位洋名John Chan嘅「五毛」，電郵給關注組陳惜姿，仲警告佢，唔覆電郵答佢問題就係漢奸走狗，罪名認真大。
關注組噚日登咗呢位五毛嘅電郵出嚟，希望邀請各路英雄睇吓點覆呢位五毛。電郵大讚國教係中立同傳達做人嘅基本要求，批評陳惜姿為人不公，要求佢回應：「你為甚麼在英國殖民政府進行洗腦教育時不去反對，竟然在香港回歸中國時反對國民教育，而且要求有為特首梁振英先生下台？」好多網民已幫手回覆，相信陳惜姿唔使做漢奸走狗。