戚黛黛不甘就範上亞視洗腦班，被炒魷魚後即過檔now TV。黛黛昨日以now藝人身份在大埔參加百萬行，巧遇亞視一班舊同事，她更與亞視高層葉家寶搭膊寒暄扮friend，又自爆對方有意邀她回巢，但黛黛表明無意食回頭草。
亞視執行董事盛品儒、高級副總裁葉家寶昨日早上率領亞姐冠軍陳彥蓉、亞軍齊真晨、顏子菲、林紫君和周嘉莉等，在大埔出席公益金新界區百萬行，恰巧now TV亦有派員出席，當中包括早前被亞視炒魷的戚黛黛，她和梁榮忠、黃婉曼和區永權等參加。
吶喊壯威
活動前，兩間電視台分別影大合照，now TV藝員為壯聲勢突然歡呼，亞視亦不甘示弱隨即吶喊。黛黛透露與now TV的合約於上月1日生效，主要擔任主持工作。其間亞視隊伍剛巧在她身後經過，問她見到舊同事會否打招呼？黛黛說：「會打招呼，又唔係有十冤九仇，炒係高層嘅策略，我𠵱家都有新老闆啦！」話口未完，林紫君一見黛黛即打招呼和擁抱。黛黛過檔now TV後發展理想，被問到有否叫舊同事過檔？她續說：「未聽到有人吐苦水。」問林紫君有否離巢之意？她說：「我𠵱家都有好多嘢做。」
剛從節目製作部調往管理市場營運的葉家寶，表示有信心令亞視今年成績翻倍，記者要求他跟黛黛合照，葉家寶表示可以，二人合照時，男方主動搭黛黛膊頭，又跟黛黛握手及寒暄一番，事後黛黛說：「佢問我返工未，又祝我好運，同埋佢話睇吓將來有乜嘢合作，不過現階段唔會合作喇！」
此外，首年參加百萬行的黃婉曼穿得十分密實，她笑說：「我入面係着短袖，今日咁凍，公司叫我着羽絨。」
採訪：黃曉妍
攝影：陳俊強
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/