【沙士疫變10年】
「𠵱家租金太貴,舊年我執咗兩間,仲難頂過沙士。」人稱「幟哥」的廚神黃永幟,03年沙士一役後創業開酒樓,他形容目前人工、租金、食材樣樣貴,經營比沙士時期更困難。
現任龍皇酒家飲食集團主席的黃永幟,03年沙士高峯期仍在利苑打工,「一晚做唔到一張枱,酒樓執笠、員工主動停薪留職、減人工乜都有。」黃永幟回憶,當年人人自危,一蚊雞、一蚊龍躉翅便從那時候興起。
沙士時跌得快彈得快
但黃永幟指沙士時飲食業跌得快,亦彈得快,他在03年7月接火棒,於油麻地碧街開第一間酒樓,「間間都執,冇人投資酒樓。」他指,創業後一個月已收支平衡,「有少少本錢,捱過咗三、四個月,啲人就出番嚟消費。」
生意越做越大,由一間擴展到現時四間,更衝出香港在上海開舖,但幟哥卻稱,現時經營飲食業,比沙士時更難捱。「淨加租都唔掂,上年執兩間(酒樓),沙士時都冇咁衰。」去年結業的包括油麻地總店,租金由03年接手時12.8萬,五年後加至18萬,執笠後由翠華接手,市傳現時月租已達40多萬元。
黃永幟原打算重開兩間酒樓,惟租金屬天文數字,「政府一定要干預,冇可能俾啲炒家係咁炒!」蘭桂坊去年跟他接洽,叫價月租150萬,「每個月都80萬、100萬租,你估我喺酒樓賣乜?」
同時,10年變化,請人亦更加困難,03年大廚月薪約1.2萬,「𠵱家冇人入行,3萬蚊都請唔到人。」幟哥嘆道:「周街都係大集團酒樓,單打獨鬥邊有競爭力。」