人怕出名豬怕肥，理工大學舞蹈學會（DanSo）憑一齣以爭取自由為主題、名為《香港人》嘅舞蹈表演，贏得全港大專聯校舞蹈邀請賽冠軍，片段喺網上瘋傳。但係就有人話理大齣舞蹈部份內容，係抄襲一段名為《Sutra》嘅舞蹈表演。
電影導演舒琪喺「主場新聞」就撰文話，雖然理大隻舞某程度上受到《Sutra》嘅影響，但就唔可以話係抄襲，大讚理大隻舞嘅燈光、節奏同動感，有激情澎湃效果。
不過又有演藝畢業嘅舊生，就話呢隻舞係抄襲佢哋2008年嘅《Sinking Water》舞蹈，話兩者舞蹈嘅細節同表演手法極度相似，例如喺緊張氣氛下、營造「欺壓者」與「被欺壓者」角色對立：「這種不問自取、抄襲、然後重新包裝為一己作品的行為是甚不專業的。」