【沙士疫變10年】
珠寶零售商六福（590）主席黃偉常沙士時每天面對紅色銷售數字，憂慮一生心血就此盡毀；幸好疫情數個月後退卻，中央7月即推出自由行政策救市，零售業全面「翻盤」。六福自此由地獄步入天堂，盈利在這10年間，暴升了16倍。
「沙士爆發時，由3月開始見住生意係咁跌，個個戴晒口罩蒙住面，邊有心機買嘢？公司當時每個月都蝕錢，我哋冇晒辦法，惟有提早幾個鐘收舖，叫員工放晒啲年假佢，慳得就慳。」
黃偉常坦言，當時生意跌至只有沙士前的一成，如果情況持續多數個月，公司最後肯定捱不住要結業。「身邊都見到有其他珠寶行家，過不了那一關。」
10年純利升16倍
珠寶商如果捱得過沙士，即可步入這行業的「黃金十年」。03年7月中央推出內地旅客個人遊救市，不出半年，業界生意完全復蘇，自此幾乎年年增長。六福03年時純利只有7,700萬元，至去年已高達13億元，升幅是16倍。
黃偉常道：「我都唔知自由行係咪因為有沙士先推出，可能冇沙士打擊，內地政府遲啲都會推自由行。我哋可以話係因禍得福，如果冇自由行，我諗生意只會係𠵱家的兩、三成。」