幫美劇《花邊教主》讀旁白嘅美國女星姬絲汀貝爾（Kristen Bell），舊年11月宣佈為丈夫懷有首胎，預產期係春天，雖然傳過佢陀嘅係B仔，但姬絲汀冇回應。日前呢位大肚婆喺洛杉磯行街，因為個天幾曬吓，所以一臉輕鬆嘅佢除低件褸拎住行，點知見到有熱情fans影相留念，仲好似對姬絲汀個巨肚好有興趣咁款，姬絲汀就順應民意，突然拉高件衫凸咗個肚出嚟，個女影迷恍如見到稀世奇珍，舉機喪影。其他女星喺沙灘晒肚吸收維他命D就見得多，企喺條街咁揦起個肚就真係好少見，咪住，睇真啲，個肚臍咁凸嘅？姬絲汀呢個應該係仔嚟啦！
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/