祖父是「澳門王」兼大豐銀行老闆何賢、伯公是恒生銀行創辦人何添、叔父是澳門前特首何厚鏵、父親何厚炤生前是澳門大豐銀行董事，出身在屬於「澳門三大家族」的顯赫家世當中，無憂無慮的日子必然垂手可得，更無必要為生活張羅惆悵；但作為家族新生代成員的何敬豐，卻堅拒當錦衣紈絝，誓要靠自己一雙手拼出個未來。
記者：吳永強
從小被送往澳洲「放洋」的何敬豐，13年前完成大學法律及金融課程，準備投身社會之時，並沒有選擇返回澳門打理家族生意，也沒有靠家族背景覓得高薪厚職。當時他曾對父親講過，「總之你唔好理我做乜，我會自己搵工。你唔好參與，唔好用你嘅關係幫我搵工，我亦都唔會返屋企幫手，我一定要打夠10年工。」
拍檔走佬 蝕逾百萬
結果他在大學的招聘會中，成功獲摩根大通（JP Morgan）聘為分析員，開始過着天昏地暗的i-bank（投資銀行）生活。後來一次在美國公幹時的遭遇，令他開始重新對工作作出思索，「嗰陣撞啱911過去紐約training同做嘢……有啲體會，覺得係咪應該做到咁辛苦，又唔知為乜？」最後他決定為自己轉換新環境「唞唞」，跳出財經世界，轉到年利達（Linklaters）當上見習律師，後來卻又兜兜轉轉重回投行圈子，加入德意志銀行（Deutsche Bank）。
在德銀打工「捱騾仔」的時候，何敬豐因緣際會下開始踏足娛樂事業生意，「搞娛樂係我從來都冇諗過要做，喺09年中我識咗個韓國朋友，佢攞咗啲韓國演唱會，咁我就幫佢call機場call酒店，攞sponsorship（贊助）喺香港做，仲搞咗間公司一齊做shareholder（股東）。」雖然豐生娛樂公司舉行的首場演唱會是當時紅爆亞洲的韓國明星Rain，惟最終不但未能打響頭炮兼有錢賺，拍檔更「走佬」，自己又要「掏荷包」找數，「最後就蝕啦，佢（生意拍檔）走埋啦，唔見埋啦……咁公司啲數都要找，蝕咗七位數（逾百萬元）。」
調整策略 公司轉賺
初涉足娛樂生意就「蝕鑊甘」，但何敬豐卻仍決定放棄做得順風順水的投行工作，走出「comfort zone」，瞓身投入娛樂公司生意，「生意雖然唔係話賺就蝕，但我係覺得娛樂生意係可以變返做賺。」而公司經兩年的調整亦慢慢越做越旺，負責籌辦的演唱會亦主要是當時得令的紅歌手，包括歌手韓庚、蔡琴、陳綺貞及樂團蘇打綠等，甚至連由日本AV女優組成歌舞團「惠比壽麝香葡萄」亦夠膽引入香港，令他的公司「起死回生」，「舊年公司開始賺返！」
何敬豐簡歷
2000年：畢業於澳洲新南威爾士大學，持有商業（財務）學士及法律學士學位
2000年至2002年：加入摩根大通任固定資產分析員
2003年至2006年：轉投年利達律師事務所（Linklaters LLP）任見習事務律師
2007年至2010年：加盟德意志銀行，最終職位為副總裁兼香港及澳門區業務開拓部主管
2007年至今：接手家族兌換生意
2008年至今：獲委任為北京市政協委員
2009年至今：創立豐生娛樂公司，在港澳地區製作及籌辦演唱會