敵人嘅敵人就係朋友，呢個關係似乎喺皇家馬德里同曼城嘅身上都適用。嚟緊星期二，皇馬要作客曼聯踢歐聯16強次回合；作為曼聯嘅同市宿敵，曼城就向皇馬借出伊蒂哈德航空球場同埋訓練設施，等皇馬可以養精蓄銳搞掂曼聯。皇馬原定喺周一朝早有課操練，之後先飛去英國，但𠵱家得到友會相助，皇馬就改喺周日晚去曼徹斯特備戰。