【本報訊】新一屆全國政協委員包括不少港府前高官，例如警務處前處長鄧竟成和前廉政專員湯顯明。鄧竟成否認今次獲委任是政治酬庸，揚言自己任內所做的「絕對唔會受日後有乜機遇等等影響」。湯顯明則未有正面回應任內是否令廉署青黃不接。
湯顯明避談廉署工作
早前有政黨批評，港府多名前保安及執法部門高層成為人大及政協委員，擔心影響執法部門日後處理涉及政治案件中立性，昨日抵達北京的鄧竟成不同意有關說法，指香港有良好的制度，政府部門工作要向特首及市民負責，堅稱自己任內所做的決定，「全部都係要合法、合情、合理咁樣去做」。
至於退休後獲委任一事，他認為「每一個人員佢嘅前路會係點樣，每個都會唔同嘅，咁但係以我嚟講，就係當時嘅工作就係當時嘅工作，絕對唔會受日後有乜機遇等等影響，而且一啲機遇當時嚟講都未曾出現」。
另一政協委員湯顯明被問到任內有否「放生」前特首曾蔭權，以及令廉署內部青黃不接時稱：「我離開咗廉署，廉署嘅工作就等現任嘅廉政專員同埋現在嗰個班子，回應大家當時嘅問題。」他又指多年來在不同崗位工作，都希望把工作做到最好，維持一個好的制度。