【壓力測試】
記者將冒牌扭油筒，連同另一對從代理商直接購入的正牌貨，交給理工大學機械工程學系工程師盧覺強進行壓力測試，結果證實假貨比真貨更易受壓折斷，「真貨可承受273磅壓力，但呢對（冒牌）扭油筒，壓到77磅就開始扭曲，堅硬度只及真貨的35%。」
盧覺強指，測試結果顯示，冒牌電單車零件採用品質差劣的物料，對駕駛者安全造成影響：「若車主安裝該類冒牌零件，發生碰撞時，組件因為唔受力，可能裂咗都冇人知，所以個組件有機會喺行車期間突然甩出嚟，一旦車手轉彎或加速，架車就會失控瞓落地，就會炒車，後果不堪設想！」
RPM的港澳代理商甘潤明說：「真貨扭油筒批發價290蚊，與冒牌貨售價相差只有幾十蚊，但賣冒牌貨嘅人就非常不負責任，人命關天，出意外時消費者最無辜。」
《蘋果》記者