賭王三太陳婉珍與女兒何超雲前晚在尖沙嘴出席東華晚宴，超雲以真空大露背晚裝亮相，性感冠絕全場，同場還有V煞臉黃婉曼。被指突然變V煞臉的超雲指因瘦了五磅，臉才變尖。
擺超蓮上枱
有傳超雲今年與陳山聰結婚，超雲即擺超蓮上枱說：「又問，不如問阿妹啲嘢啦！」問超蓮是否與吳克羣拍拖？超雲說：「上次阿妹答完被曲解，寫佢哋同房好差，我唔信，阿妹冇提拍拖，但知佢哋係朋友。」吳克羣力追超蓮嗎？超雲說：「唔係，佢不嬲唔恨拍拖，我冇見過吳克羣，但幾靚仔。」三太早前透露山聰已過了賭王那關，那何時完成父親心願？超雲說：「都唔知點解成日催，佢催同我嫁係兩回事，我未到咁恨嫁。」
三太就透露她與賭王都未見過吳克羣，她說：「個女都廿幾歲，唔到我贊唔贊成，我會從旁規勸，教佢做人道理，」問到超蓮和吳克羣被傳旅行同房，三太說：「你哋話啫．又冇證據。」超蓮是否拍拖？她說：「無可奉告。」
採訪：盧妹
攝影：黃文偉
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/