尹光跟太太結婚31年，兩人育有一子，他謂82年結婚，84年才戒賭，記者問為甚麼光嫂肯嫁他？尹光笑說：「佢烏啄啄乜都唔識。」講到夫妻相處之道，尹光說：「太太都鍾意唱歌，我哋係連贏位，去邊都一齊，恩唔恩愛我唔知，習慣咗由佢服侍我，出街攞定衫褲畀我着，其他人跟我唔習慣，你就吓我我就吓你，容乜易過一世。」
兩歲仔唔認老竇
問是否多年來身邊都沒出現飛來蜢？尹光自嘲說：「冇噃，我咁醜樣冇人鍾意，後生就有，未結婚喺越南好多女人排隊追我，因為我有錢，哈哈！」
婚後尹光跟太太只有一子，他說：「一個夠嘞，養細路責任大，唔係有錢就算，又驚佢凍又驚佢熱。以前香港四大天王係四個女仔：甄秀儀、徐小鳳、奚秀蘭同劉鳳屏，甄秀儀同我好熟，佢帶我去加拿大登台，住喺佢屋企，之後我留低囝囝喺溫哥華，自己同老婆去多倫多唱歌，一個月後返嚟，兩歲囝囝唔認得我，真係心都酸埋！」
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/