尹光自小喜歡唱歌,由於是富家子,6歲在越南已有機會上台表演,之後來香港至今唱了43年,推出唱片超過一百張,有「廟街王子」封號,他說:「我幾歲開始唱歌,正式計唱咗50幾年,嚟香港後初初諗住做大戲,但有世叔伯話大戲走下坡,我就去跟師傅學時代曲,佢教我唱日文歌,唱到一口泡,我學咗一個月冇學,返去自己研究。」
聽碟學唱歌
當時流行國語歌,尹光買青山、謝雷的唱片自學,後來就在夜總會駐唱,他說:「自己寫簡譜唱新馬師曾首《萬惡淫為首》,好受歡迎,第一個喺夜總會唱粵曲就係我。」尹光那首《Mr. ONE》網上點擊率hit爆,還被亞視改為《GIMME FIVE》,網友嘲為膠歌,尹光說:「根本唱歌唔係你改我我改你,你抄我我抄你,啲人夠話隻歌抄MC Jin,我又唔知,首歌唔係我寫。」而新歌《你老闆》就講80、90年代青年心態,他很多謝唱片老闆張國林,令63歲的他仍有機會出新歌。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/