前年夏天先加盟巴塞嘅阿歷斯山齊士，好快喺今季已淪為大後備，至今西甲踢咗25輪，佢只得9次正選，今場對皇馬都有可能坐喺場邊睇波先。有指呢位智利射手已準備好今夏離隊，利物浦同曼城收到風即起晒痰，據講紅軍最快做嘢，已經同佢個經理人搭上；而曼城就準備用必有歐聯踢嘅條件嚟爭人，睇嚟今夏都有排鬥，唔知最終山齊士點揀呢？