曾經以筆名方卓如寫財經專欄嘅會計師公會理事龔耀輝，舊年底聯同另一位理事鄭中正，炮轟公會強行加費，喺舊年12月舉行嘅周年大會上，佢仲利用授權票否決「委託核數師」同「確認財務報告」兩項重大議案，搞到公會下周一（3月4號）要開特別大會再尋求通過呢兩項議案。
睇新會長趙麗娟接招
鄭中正話，佢哋冇錢申請司法覆核，實在無法推翻公會加費嘅決定，但係佢哋唔會就此罷休，正爭取會員投票否決「確認財務報告」一項，仲講到明下周一開會會搞大龍鳳。睇嚟佢哋點都要製造啲聲音，唔知新任會長趙麗娟到時點拆招，會唔會學王祖藍嗰句：叫大家和諧、和諧呢？