李嘉欣昨晚在香港大學出席活動，近期爆發人類偏肺病毒，她指囝囝咳嗽嚴重，擔心染病。她因缺席多次許家活動被傳婚變，嘉欣則透露早前二人世界旅行慶祝老公生日闢謠，但笑指老公是電燈膽。同場保護法王的保鑣則來自大劉，嘉欣與大劉果然有緣！
李嘉欣昨晚在香港大學出席楊紫瓊監製的環保紀錄片《綠色足跡》（Pad Yatra）首映及座談會，同場有藏傳佛教精神領袖嘉旺竹巴法王（The Gyalwang Drukpa），嘉欣與法王握手傾偈，法王身邊有兩名保鑣，是平日保護嘉欣舊愛大劉劉鑾雄到福臨門的保鑣，相信是大劉借出保護法王。
去旅行三日
嘉欣早前缺席許家團年飯，前晚許晉亨拉頭馬又不見她，網上即傳出她婚變，嘉欣冷待傳言笑說：「我不嬲唔黐佢喎，佢先係我同阿仔嘅電燈膽。」她更透露周一（25日）許晉亨生日，兩人之前放下兒子甜蜜去旅行，又與許家吃飯慶祝，她說：「二人世界去咗旅行三日，去邊就秘密，唔想咁多人去。」
至於沒拉頭馬，嘉欣指因照顧患病的兒子：「我10點就瞓覺，囝囝咳得好犀利，我都有少少。」近期爆出人類偏肺病毒，她說：「個個都擔心，都有帶佢去睇醫生，醫生話好多人有上呼吸道感染。」
至於昨晚的環保紀錄片，記錄法王帶領700人用42天時間，徒步跨越喜瑪拉雅山區多座高山，種了五萬棵樹、執拾近五百公斤塑膠廢物，獲海外多個獎項包括蒙特利藍色海洋電影節最高榮譽獎。
教子用手巾
嘉欣大讚善心超越宗教，十分感動，她也致力教兩歲兒子環保：「從小就教起，佢自細就用手巾仔，少用紙巾。佢試過拉紙巾玩，我會叫停佢。同埋用少啲電，佢嘅玩具都原始啲，等佢知道資源有限。」她指囝囝看紀錄片看到眼定定。
採訪：林嘉慈
攝影：黃偉雄
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/