政府宣佈雙倍釐印辣招剛好一周，鬍鬚曾前日表示，最希望雙倍釐印一毫子都收唔到，這樣就代表措施有效，投資者唔再買樓投資，只有冇樓一族入市。但沙膽虹上禮拜五，明明就聽見金融管理局總裁陳德霖警告，現時樓市風險不下於九七，市民置業做三十年按揭，雖然首兩年可以享受低息，但往後可能要承擔利率上升和樓價大幅波動風險，關乎未來數十年的福祉。他這番話，明顯是針對未有樓的上車人士，叫他們上車千萬要小心。
但財政司司長曾俊華的辣招，卻擺明直指有意多買物業投資的有樓人士，要徵收他們雙倍釐印，冇樓的置業人士反而不受影響。他釋放出來的訊息，好像是投資客將住宅樓買貴晒，要出招壓抑一下，好讓冇殼蝸牛上車。
究竟政府是想上車一族買樓，抑或唔好買呢？真教人有精神分裂之感。
沙膽虹