【本報訊】再有巿民因參與去年4月1日反梁振英遊行被捕。社民連成員馬雲祺昨被警方以非法集結及企圖以焚化方式侮辱區旗罪拘捕，本月19日應訊。警務處處長曾偉雄昨未有解釋為何罕有地在10個月後秋後算賬，只推說是涉案者「唔合作」和「規避」。
記者：張嘉雯
本身是社民連秘書處職員、今年19歲的馬雲祺表示，昨早在終審法院門外等候旁聽外傭居港權案時，被兩名警員拘捕。他被警方落案控以「企圖以焚化方式侮辱區旗」及非法集結兩項罪名，昨以300元保釋外出，本月19日與早前被捕的社民連黨員吳文遠、黃浩銘一同在東區裁判法院應訊。此案共涉9人，警方表示，會繼續拘捕同案的其餘三男一女。
曾偉雄指涉案者「唔合作」
曾偉雄昨出席活動時未有回應為何在事發10個月後，才拘捕相關人士，只推卸是涉案者「唔合作」和「規避」，又指警方在收到律政司指示後已盡快致電相關人士，「如果用合作嘅態度我哋會好快處理，如果唔合作，話『我哋唔會上嚟』，咁就要耐啲時間」。
馬雲祺指，企圖侮辱區旗罪刑罰不輕，有古思堯重判可鑑，「明顯係梁振英上台之後嘅政治檢控啦，啲官係會重判㗎喇，不過阿古有燒國旗案底，我自己就冇」。他又指，事發時是古思堯向他借火燒旗，「我作為一個食煙嘅人，梗係有火機㗎啦，咪拎咗個火機出嚟，叮咗兩叮囉，但都叮唔着。」他相信，正在服刑的古思堯將再被加控侮辱區旗罪。
此外，早前涉襲警案、同屬社民連的嚴敏華，周三獲准保釋候審，她在網上發公開信，指懲教署不容許女囚的男友探監，其男友阿Tim表示，曾多次到訪嚴所在的勵敬懲教所要求探望不果，「佢喺入面加咗個名（進探訪名單），但次次打去問都話冇我個名，去到又係咁同我講，入面啲人（女囚）同嚴敏華講，只要有可能係男朋友都唔畀探，話驚你係馬伕。」
懲教署發言人表示，不宜就個別事件作出評論。懲教事務職員協會初級組主席趙志強則解釋，個別人士是否獲准探訪，視乎在囚人士意願，「基本上唔會阻止，邊個都可以探，最緊要當事人自己報咗嗰個人個名上去」。
