政府出辣招，市民有沒有被辣着？去環頭環尾任何一家茶餐廳收收風就能急市民得急。
茶客甲食住漲價三成的豬扒包，財經演員上身詳細分析：「慌死執輸即刻標出來撐政府的地產商擺到明攝位，食住上。地產霸權，千秋萬代，今次只係換湯唔換藥，由李氏力場變鄭家大屋。假如兩邊聯手起樓，名正言順，叫做李鄭屋村。」
師奶豪飲兩杯絲襪奶茶後追問：「係咪樓價會撐硬，唔會塌？」
留長尾指甲的侍應阿叔搶白：「睇狼營團隊個勢，似足當年老懵董的夢幻組合，隨時重演八萬五大災難，唔係嚇你！」
食客聞董色變，餐廳dead air廿秒後，有人說要先走，將手上的細價單位盡快放盤。有人用放大鏡睇狼英的面相，研究他是否福建中國人。沙士十年，市民危疾意識倒跌回零，更加忘記負資產係乜。英國已爆出新沙士，狼凸此際跟老董數碼合體，北京陰霾不散，歷史，會十年一閏嗎？