前晚場波嘅37歲球證馬蘭高，同巴塞認真過唔去。話說比賽至34分鐘，美斯同恩尼斯達單擋後諗住走入禁區接應，點知俾馬蘭高擋住條路，仲間接瓦解佢哋呢次進攻。事後佐迪艾巴勁不滿，猛咁嘈馬蘭高，但馬蘭高就好似借咗聾耳陳隻耳咁，扮聽唔到。球證喺球場上係死物，巴塞俾馬蘭高壞佢哋好事，只好怪自己行衰運。