擁有不少讀者粉絲嘅城市大學管理科學系副教授曾淵滄，喺今日last day了！
大家放心，曾教授只係離開城大唔再教書，教授講明唔係要封筆，會堅持繼續喺報紙、雜誌寫專欄，亦唔打算退休，「我唔係老，唔會諗住退休，我做到90歲都會做。」
曾教授喺城大教咗廿幾年書，幫敝報寫咗專欄15年，累積唔少讀者粉絲，喺財經版嘅收視率長踞前五名，影響力可想而知。
錢無憂 唔封筆
佢話，呢個學期已經冇教書，過去三個月一直喺度清假，今日正式離職。佢唔肯透露有乜新動向，只係話以後「諗到乜就做乜，總之自由自在……反正經濟上已經係無憂無慮個種㗎啦！」教授呢種生活，好多人都好羨慕呀。